CAMP GENERAL MANUEL T. YAN SR.: Nakagradwar na ang 550 ka mga bag-ong Citizen Armed Force Geographical Unit (CAFGU) Active Auxiliaries (CAAs) ubos sa 10th Infantry Division (10ID) niadtong Biyernes, Agosto 14, 2026, aron mapalig-on ang lokal nga depensa ug ang pagtubag sa mga kalamidad sa tibuok rehiyon.
Nakatapos ang maong mga gradwado sa ilang 45 ka adlaw nga CAA Basic Military Training Class 02-2026 nga gipahigayon sa 10th Division Training School sa Camp General Manuel T. Yan Sr.
Isip kabahin sa integrated territorial defense system, ang mga bag-ong auxiliaries makatabang sa pagpreserba sa kalinaw sa mga dapit nga kanhi naapektuhan sa Communist Terrorist Group (CTG), ingon man sa pagpalig-on sa mga external security operations. gitudloan usab ang maong pwersa aron moagak sa mga Humanitarian Assistance and Disaster Response (HADR) missions sa dapit.
Gipahinumdoman ni Colonel Silas Trasmontero, 10ID Chief of Staff ug keynote speaker sa maong okasyon, ang mga bag-ong gradwado nga magpabilin nga adunay disipilina ug integridad samtang gipadala sila sa ilang tagsa-tagsa ka mga assignment.
Dugang pa ni 10ID Commander Major General Alvin Luzon, ang ilang gihimong pagbansay nag-andam kanila dili lang sa pagpanalipod sa katilingban, apan lakip na sa pag-alagad sa mga lungsanon sa panahon nga sila kinahanglan kaayo.