MAYNILA: Gibutang sa Department of Labor and Employment (DOLE) nga administratibong responsable si Thomas Anthony “Tab” Baldwin, ang kanhi head coach sa Ateneo men’s basketball team, ug ang Ateneo de Manila University (ADMU) tungod sa paglapas sa lagda sa work permit, diin gimandoan sila nga mobayad og multa nga miabot sa P4.9 milyon.
Sa desisyon nga gipagawas niadtong Martes, gipahayag sa DOLE nga nakalapas si Baldwin ug ang ADMU sa Artikulo 40 sa Labor Code sa nasud.
“This office hereby finds Mr. Thomas Anthony ‘Tab’ Baldwin and Ateneo de Manila University to be administratively liable for separate violations of Article 40 of the Labor Code, as amended and renumbered in its implementing rules and regulations,” nakanayon sa maong desisyon.
Sumala sa DOLE, responsable si Baldwin tungod sa kapakyas niini sa pagkuha og Alien Employment Permit (AEP) samtang nagtrabaho isip basketball coach sa nasud. Ubos sa Artikulo 40 sa Labor Code, ang matag langyaw nga nagtrabaho sa Pilipinas kinahanglang adunay valid nga AEP nga gipagawas sa maong ahensya.
Atol sa usa ka clarificatory hearing bahin sa iyang status sa pagtrabaho niadtong Hunyo 29, giangkon ni Baldwin nga wala siyay AEP samtang nagsilbi isip coach sa pipila ka mga koponan sukad pa niadtong 2013.