TACLOBAN CITY: Giunhan ni Department of the Interior and Local Government (DILG) Secretary Jonvic Remulla ang pag-apod-apod sa 50 ka emergency 911 nga mga motorsiklo niadtong Martes, Agosto 11, 2026, didto sa Regional Headquarters sa Police Regional Office 8 (PRO8) sa Palo, Leyte.
Ang maong mga scooter gitagana alang sa mga tourist police unit sa unom ka probinsya ug duha ka dakbayan nga buhatan sa kapulisnan sa rehiyon. Bahin kini sa padayong pagpatuman sa DILG sa Unified 911 response capabilities sa tibuok nasud.
Ang maong dugang kagamitan sa pagbiyahe makatabang sa mga personahe sa kapulisnan, uban ang pakigtambayayong sa mga lokal nga kagamhanan ug uban pang emergency responders, nga makaabot sa mas paspas nga pamaagi sa mga tawo panahon sa emerhensya, ilabi na sa mga dapit diin ang matag minuto sa pagtubag importanteng kaayo.
Gidayeg usab niya ang PNP ug giawhag nga padayong palagdon ug palig-onon ang ilang kapabilidad sa operasyon.
“I’m very proud of the PNP. For the first time in its history, it has the highest performance ranking and is one of the most trusted agencies in the Philippines. We mean well. We mean business. We are serious,” gipahayag pa niya.