SAN FERNANDO, BUKIDNON: Taliwala sa pormal nga pagdeklarar sa Department of Public Works and Highways (DPWH) nga sirado ang Kapalong-Talaingod-Valencia (KTV) Road, nagapadayon gihapon ang pag-agi sa pipila ka sakyanan sa bahin diin nahitabo ang dako nga landslide.
Nahitabo kini tungod sa kawala sa lokal nga kagamhanan gikan sa duha ka bahin sa Bukidnon ug Davao del Norte nga magpatuman sa police powers o magpadala og mga tigbantay sa dapit.
Subay sa pagsusi sa MindaNews sa maong dapit, kapin sa usa ka bulan na ang nakalabay sukad nga ang landslide nipatag ug nisira sa tanang lane sa maong karsada. Tungod kay walay pulis o guwardiya sa matag tumoy sa sirado nga agianan, nakalabay ra gihapon ang mga sakyanan kon gawas sa oras sa pagtrabaho.
Gipadayag usab sa mga residente nga ang mga trabahante sa M. Montesclaros Enterprises Inc. gakasuk-an pa sa pipila ka nasuko nga mga drayber ug biyahero nga nagapamugos nga makaagi sa mga oras sa pagtrabaho gikan alas-8:00 sa buntag hangtod alas-12:00 sa udto, ug gikan alas-1:00 hangtod alas-4:00 sa hapon.