DAVAO CITY: Miabot sa dakbayan sa Davao si National Bureau of Investigation (NBI) Director Atty. Melvin Matibag niadtong Biyernes, Agosto 14, 2026, aron sa pagsusi sa nagpadayong imbestigasyon human sa gipahigayon nga pagsulong ug raid sa usa ka dako nga steel plant nga matud pa nag-operate sa Barangay Ilang, Bunawan District.
Ang maong hiniusa nga operasyon sa NBI, Presidential Anti-Organized Crime Commission (PAOCC), ug uban pang nagkadaiyang ahensya sa kagamhanan nakadiskobre og peligroso nga mga radioactive isotopes sa pipila ka gihimong mga produkto nga puthaw, lakip na ang mga substandard nga reinforcing bars (rebar) nga ginabaligya ug gigamit sa konstruksyon.
Gawas sa pagkadiskobre sa mga nakilalang makadaot nga kemikal ug dili de-kalidad nga mga materyales, nakasagip ug nakaluwas usab ang mga awtoridad og 174 ka mga Pilipinong trabahante nga naggikan sa maong pasilidad atol sa raid.