MANILA: Patingugon ug pahigpitan sa Senado ang ilang pagsusi sa mga confidential funds ug sa mga pondo alang sa flood control samtang ginatun-an niini ang gisugyot nga ₱7.2-trillion national budget alang sa tuig 2027.
Gipahayag ni Senate President Sherwin Gatchalian niadtong Domingo nga kinahanglang ihatag lamang ang confidential and intelligence funds (CIF) sa mga ahensya nga adunay klaro nga gimbuhaton sa pagpatuman sa balaod, paniktik, ug seguridad sa nasud. Dugang pa niya, ang mga civilian agencies nga walay direktang panginahanglan sa maong matang sa pondo dili na gayud angay nga hatagan pa niini.
“One of the things we will also look into is the confidential funds. We will not allow agencies that have no business having confidential funds to be given these funds,” gipahayag ni Gatchalian sa usa ka pakighinabi sa radyo.
Gipatin-aw usab sa lider sa Senado nga isip usa ka lagda, kung ang usa ka buhatan dili ahensya sa pagpatuman sa balaod, o dili sakop sa armed forces ug uniformed personnel, wala silay katungod o rason nga makadawat ug mogamit sa maong confidential and intelligence funds.