DAVAO CITY: Miabot na sa dakbayan sa Davao niadtong Domingo ang mga evaluators gikan sa United Nations Educational, Scientific and Cultural Organization (UNESCO) aron sa pagsugod sa ilang limag ka adlaw nga field validation alang sa nominasyon sa Mt. Apo isip usa ka UNESCO Global Geopark.
Susiha ug beripikahon sa mga evaluators nga sila Gay Martin Martini gikan sa Pransya ug Chenggong Zhang gikan sa Tsina ang self-evaluation checklist nga giduso sa mga rehiyonal nga buhatan sa Department of Environment and Natural Resources (DENR) XI ug XII niadtong 2025. Usa ang Mt. Apo sa 14 ka bag-ong aplikasyon gikan sa nagkalain-laing pikas sa kalibutan nga opisyal nga gina-review sa UNESCO alang sa tuig 2026.
Sumala kay Clint Michael Cleofe, OIC Superintendent sa Mt. Apo Natural Park Protected Area Management Office, ang proseso sa pagbalidasyon maglakip sa pagpakig-uban sa mga lokal nga lumad ug katilingban sa duha ka rehiyon, pagpakigtipon sa mga estudyante, ug pagduaw sa Mt. Apo Geothermal Production Field.