MANILA: Ang nagpadayon nga Pasig-Marikina River Channel Improvement Project (PMRCIP) nakatabang sa pagpugong sa pag-awas sa suba ug sa pagpanalipod sa mga molupyo sa Marikina ug Pasig gikan sa grabeng pagbaha taliwala sa pipila ka adlaw nga pag-ulan, sumala sa Department of Public Works and Highways (DPWH).
Gipahayag ni DPWH Secretary Vince Dizon niadtong Martes nga nagmando si Presidente Ferdinand Marcos Jr. sa ahensya nga paspasan ang pagpanukod sa mga flood mitigation structures ubos sa pakig-uban sa Japan International Cooperation Agency (JICA). Moabot na sa 53 porsyento ang naabot nga construction progress sa maong proyekto, sumala pa kay Dizon.
Lakip sa PMRCIP ang pagpanukod og mga flood control structures, flood gates, pumping stations, ug uban pang pasilidad nga gidesinyo aron mapalambo ang agianan sa tubig ug makontrol ang kadaghang tubig nga nagasulod ug nagaagi sa Manggahan Floodway. Kon makompleto, gilauman nga mokonhod og porsyentong 63 ang mga dapit nga namiligro sa baha sulod sa Pasig-Marikina River basin.
Gipatin-aw sa DPWH nga ang pagpaspas sa proyekto gihimo samtang ang pipila ka bahin sa Metro Manila ug mga silingang dapit nag-atubang og balik-balik nga pagbaha tungod sa sigedas nga pag-ulan sa milabay nga mga semana.