MISAMIS ORIENTAL: Usa ka hamtong nga babaye ang malagposong na-rescue sa mga sakop sa National Bureau of Investigation (NBI) sa Misamis Oriental human giila isip biktima sa usa ka kaso sa child sexual abuse ug exploitation nga una nang gipasa sa mga awtoridad sa Pilipinas kapin usa ka dekada na ang nakalabay.
Gipahigayon ang maong rescue operation niadtong Agosto 17, 2026, sa NBI Human Trafficking Division (NBI-HTRAD) uban sa pakigtambayayong sa NBI Northeastern Mindanao Regional Office (NBI-NEMRO), pinaagi sa impormasyon ug referral nga gikan sa Federal Bureau of Investigation (FBI) sa Estados Unidos.
Sumala sa NBI, ang maong babaye na-identify nga biktima sa nagkadaiyang digital child sexual abuse materials nga gi-refer sa mga awtoridad sa nasud niadtong tuig 2013 pa. Bisan pa man nga nagpabiling walay kasulbaran ang kaso sa pira ka tuig, nagpahigayon og bag-ong pagrepaso ug imbestigasyon ang NBI niadtong Oktubre 2025 diin nakakaplag sila og mga bag-ong impormasyon nga nitultol sa pagkaila ug pagkahimutang sa biktima.
Leave a Reply