MABINI, DAVAO DE ORO: Nagpadala og dugang mga sundalo ang 10th Infantry (Agila) Division sa Philippine Army gikan sa 67th Infantry Battalion ug 102nd Division Reconnaissance Company niadtong Agosto 30, 2026 aron pagpalig-on sa seguridad sa umaabot nga 2026 BARMM Parliamentary Elections.
Ang maong pagpadala og mga tropa magsilbing augmentation support sa 6th Infantry Division ug 11th Infantry Division sa pagseguro nga hapsay, luwas, ug malinawon ang matag dagan sa proseso sa pagpili ug pagbotar sa tibuok rehiyon sa Bangsamoro.
Gipahimangnoan ug gipahinumdoman ni Major General Alvin Luzon, Commander sa 10ID, ang tanang miyembro sa gipadalang mga sundalo nga ipatuman kanunay ang taas nga lebel sa disiplina, propesyonalismo, ug ang pagpabilin nga walay gidapigan o non-partisanship atol sa pagpanalipod sa katungod sa matag lungsanon sa pagbotar.
“Our loyalty is to the Constitution, to the people, and to our mission,” gipahayag ni MGen. Luzon atol sa iyang mensahe sa mga tropa sa wala pa sila gipadala sa ilang assignment.
Leave a Reply