GENERAL SANTOS CITY: Gibana-banang moabot sa 5,000 hangtod 7,000 ka mga sakop sa Simbahang Katoliko, kabatan-onan, civic organizations, ug mga consumer groups ang nag-alayon ug nagtapok sa Plaza Heneral Santos niadtong Sabado, Agosto 29, 2026, alang sa usa ka prayer rally aron manawagan og katwiran, kamatuoran, ug accountability sa gipresentang Joint Venture Agreement (JVA) tali sa SOCOTECO II ug Ignite Power and Energy Corp. (Ignite).
Nahitabo ang maong pagprotesta ug pag-ampo pira ka adlaw sa wala pa ang gikatadong district-wide plebiscite diin ang mga member-consumer-owners (MCOs) sa maong kooperatiba sa kuryente ang magdesisyon kun uyonan ba o balibaran ang maong kontrata.
Gipadayag sa mga partisipante ug mga lider sa simbahan nga labaw pa sa legalidad sa kontrata, ang pagpanalipod sa kaayohan sa kadam-an ug sa mga kabus nga konsumidor ang nag-unang prayoridad nga kinahanglang hatagan og pagtagad sa panggamhanan ug sa pamunoan sa kooperatiba.
Leave a Reply