OPOL, MISMIS ORIENTAL: Nasakmit sa mga awtoridad ang gibana-banang ₱5.85 milyon nga balor sa gituhuang smuggled cigarettes atol sa usa ka hiniusa nga anti-smuggling operation sa baybayon sa Barangay Barra, Opol, Misamis Oriental, sa sayong bahin sa Setyembre 2.
Nalunsad ang maong operasyon human makadawat og impormasyon ang Misamis Oriental Maritime Police Station (MARPSTA) bahin sa gihimong pagdiskarga og iligal nga sigarilyo sa maong baybayon. Dinalian silang nakig-alayon sa Opol Municipal Police Station, Bureau of Customs (BOC), ug mga opisyal sa Barangay Barra aron susihon ang maong dapit.
Sa pag-abot sa mga awtoridad, naapsan ug nadakpan ang usa ka 28-anyos nga lalaki nga nailhan sa alyas nga “Ado,” residente sa Camaman-an, Cagayan de Oro City, samtang nagadiskarga sa mga karton sa sigarilyo gikan sa usa ka improvised floating device.
Leave a Reply