Plebisito sa Socoteco II Joint Venture Agreement, Panamtangang Gipaundang sa Korte sa Polomolok

POLOMOLOK, SOUTH COTABATO: Gipagawasan og 72-hour temporary restraining order (TRO) sa Regional Trial Court Branch 62 sa Polomolok ang gikatakdang plebisito sa South Cotabato II Electric Cooperative (Socoteco II) may kalabutan sa gipabukal nga Joint Venture Agreement (JVA) niini uban sa Ignite Power and Energy Holdings Inc.

Naggikan ang maong kamatayon sa korte sa gisakang petisyon sa member-consumer-owner nga si Eugene Mangilaya. Iyang giguestyon ang kaangayan sa proseso, lakip na ang pagkawala sa pormal nga kopya sa JVA ug Board Resolution No. 104 sa mga miyembro sa wala pa gipangayo ang ilang pag-uyon, ug ang mga supak sa patakaran sa voting procedure ubos sa bylaws sa kooperatiba.

Tungod sa maong TRO, opisyal nga gipaundang sa Socoteco II ang gitakdang pagbotar niadtong Setyembre 5 ug 6, samtang gihulat ang summary hearing aron matino kon ilugway ba ang maong injunction.