Haze ug Kalidad sa Hangin sa Davao City, Misamot Kabati Alang sa Panglawas sa Publiko

DAVAO CITY: Nisaka ug nagpakita og “Very Unhealthy Status” ang Air Quality Index (AQI) sa Dakbayan sa Davao niadtong udto sa Setyembre 7, 2026, subay sa gipagawas nga monitoring report sa Environmental Management Bureau (EMB) sa Department of Environment and Natural Resources.

Base sa Continuous Ambient Air Quality Monitoring System (CAAQMS) nga nahimutang sa Calinan National High School, nakatala ang siyudad og PM2.5 level nga miabot sa 157.08 AQI. Ang maong haze o kabagang sa aso nga naglandong sa pipila ka bahin sa Mindanao nagagikan sa mga dako nga kalayo o forest fires sa Kalimantan, Indonesia, nga gidala sa hangin padulong sa nasud.

Nagpahimangno ang EMB nga ang “Very Unhealthy” nga kalidad sa hangin magdala og dili maayong epekto sa panglawas sa publiko, ilabi na sa mga tawo nga adunay sakit sa kasingkasing o problema sa pagginhawa. Tambag sa mga awtoridad nga magpabilin sa sulod sa panimalay, likayan ang paggawas kung dili kinahanglan, ug limitahan ang paggamit sa mga sakyanan.