CAGAYAN DE ORO CITY: Nagpagawas og pasidaan ang PAGASA-Mindanao PRSD nga kadaghanan sa mga dapit sa Mindanao makasinati og partly cloudy to cloudy skies nga adunay local nga pag-ulan, kilat, ug linti sa sunod nga 24 ka oras, sugod alas 5:00 sa buntag sa Setyembre 9 hangtod alas 5:00 sa buntag sa Setyembre 10, 2026.
Nagpahimangno ang ahensya nga ang kalit nga pagkusog sa ulan gikan sa severe thunderstorms mahimong magdala og baha ug landslide, ilabi na sa mga komunidad nga duol sa sapa, kabukiran, ug mga ubos nga dapit. Bisan pa man sa porsyento sa pag-ulan, magpabilin gihapon nga init ug alinsangan ang panahon diin ang Maguindanao del Sur ug Surigao del Sur posibleng makaangkon sa pinakataas nga temperatura nga moabot sa 36°C.
Samtang, ang kasamtangang hangin magagikan sa habagatan-kasadpan nga adunay haom o slight to moderate nga lebel sa pagbalod sa dagat (0.6 hangtod 2.1 meters). Apan gipahinumdoman gihapon ang mga mangingisda ug gagmay nga sakayan nga mag-alerto sa kalit nga pagbag-o sa panahon sa kadagatan.
Leave a Reply