Gidili nga Importasyong Karne, Nasakmit ug Gilabay sa San Francisco, Agusan del Sur

SAN FRANCISCO, AGUSAN DEL SUR: Mokabat sa 630 ka kilo nga imported nga karne ang opisyal nga nasakmit ug gilabay human makita nga wala kini mupasa sa mga kinahanglanong meat safety requirements. Nahitabo ang maong operasyon pinaagi sa panag-alayon sa National Meat Inspection Service (NMIS) Regional Technical Operation Center Caraga ug sa Pamunoang Lokal sa San Francisco, Agusan del Sur.

Kabahin kini sa padayon nga aksyon sa gobyerno aron pakahugtan ang seguridad ug kalidad sa mga karne sa merkado, maprotektahan ang mga konsumedor, ug masiguro nga tanang baligya nga karne napaubos sa pormal nga regulasyon ug inspeksyon.

Pinaagi niining hiniusang operasyon, gipahayag sa NMIS Caraga ug sa LGU San Francisco ang ilang komitment sa pagsiguro sa pampublikong panglawas pinaagi sa pagpanalipod sa lungsod batok sa mga ilegal o dili luwas nga baligya sa merkado.