CAGAYAN DE ORO CITY: Human sa kapakyasan sa iyang audition niadtong 2024, mikatabla ug gipamatud-an sa 15 anyos nga si Ivana Jane “Vee” Juan nga dili babag ang mga hagit sa pagkab-ot sa iyang damgo human siya mibarog ug midaog sa usa ka dako nga kompetisyon sa Las Vegas, Nevada sa Estados Unidos.
Nakuha ni Juan, nga usab ka model ug variety artist nga gikan sa Davao City, ang dungog isip Junior Grand Champion Variety Artist of the World 2026 sa gipahigayon nga 28th World Championship of Performing Arts o WCOPA niadtong Hulyo 13 hangtod 21, 2026. Gawas sa maong labing taas nga titulo, nakadawat usab si Juan sa Performer of the World Star trophy, division champion plaque, ug nag-semi-finalist sa modeling category.
Gipahayag sa batan-ong Dabawenya ug sa iyang inahan nga si Jessa nga ang maong kadaugan dili lamang usa ka personal nga kapaspasan, kon dili usa usab ka paagi sa pagpaila sa talagsaong talento ug katakus sa mga batan-ong Mindanawon sa tibuok kalibutan.