DAVAO CITY: Gipasiugda sa Energy Development Corporation (EDC) ang padayong dakong katungdanan ug papel sa ilang Mt. Apo Geothermal Facility sa paghatag og renewable energy sa Pilipinas samtang ilang giyagyag ang mga bag-ong pamuhunan, environmental programs, ug mga inisyatiba sa komunidad ubos sa First Gen Renewables nga marka.
Gipahayag sa mga opisyal sa EDC nga ang Mt. Apo Geothermal Complex nga nahimutang sa Kidapawan City, North Cotabato, naglihok na sulod sa pito ka dekada o hapit 30 ka tuig ug nagpabilin nga usa ka importanteng bahin sa lima ka dekada nga programa sa pagpalambo sa geothermal nga enerhiya sa EDC.
Gipahayag ni Romy Kee, ang ulohan sa Mt. Apo facility sa EDC, nga ang kompanya nag-organisar og usa ka media session aron mas mapaladman ang pagsabot sa publiko bahin sa geothermal energy, ang mga tawo sa luyo sa operasyon niini, ug ang papel sa limpyo nga kuryente sa pagatukod og mas malungtarong sistema sa enerhiya.
“EDC hopes to strengthen its partnership with the media practitioners to explain how clean, renewable, and reliable electricity is generated and supplied to communities and customers,” gipahayag ni Kee, samtang iyang gidugang nga ang maong kalihokan nagtumong sa pagpataas sa kaisipan ug kahibalo bahin sa limpyo ug renewable nga enerhiya sa Mindanao.
Gipahayag usab ni Frances Ariola, ang corporate communications head sa EDC, nga gigamit na sa kompanya ang First Gen Renewables isip usag marka ug unified public brand sa First Gen group alang sa ilang portfolio sa renewable energy. Iyang gipatin-aw nga ang ngalan ug opisyal nga legal nga identidad sa EDC nagpabilin gihapon ug walay kausaban.