Gikuhang Balik ni Col. Lachica ang mga Receipt sa ₱500-M Confidential Funds sa OVP — Testimonya sa Impeachment Hearing

MANILA: Gipadayag sa kanhi special disbursing officer sa Office of the Vice President (OVP) nga si Gina Acosta nga gihimo ug giuli ngadto kang Col. Raymund Lachica ang tanang gipirmahang acknowledgment receipts alang sa ₱500 milyones nga confidential funds human masumite ang liquidation report sa Commission on Audit (COA).

Atol sa gipahigayon nga impeachment hearing niadtong Lunes, Agosto 24, 2026, gitukoy ubos sa pagpangutana ni private prosecutor Amando Ligutan nga si Lachica, ang kanhi ulohan sa Vice Presidential Security Group nga gitudlo ni Vice President Sara Duterte, ang naghupot sa tanang resibo gikan sa ₱125 milyon nga gipagawas niadtong Disyembre 2022 ug sa tulo pa ka hugna nga ₱125 milyon nga pagpagawas sa pondo sa tuig 2023.

Gipatin-aw usab ni Acosta nga gihimo na niya kini nga nga sistema sa pagpagawas og cash sa seguridad ug pagbawi sa mga gipirmahang resibo sukad pa sa iyang pagserbisyo isip disbursing officer sa LGU sa Davao City sa wala pa siya nibalhin sa OVP.