MANILA, Pilipinas: Gisalikway niadtong Miyerkules sa Korte Suprema ang mga gihiusang petisyon nga nagkuwestyon sa mga lakang sa impeachment batok kang Bise Presidente Sara Duterte didto sa Balay sa mga Representante.
Ang Korte Suprema, pinaagi sa usa ka press briefer nga gi-post sa ilang website niadtong Miyerkules sa hapon, nagmando nga ang mga isyu nga gipatungha sa mga petisyon nahimo nang “moot and academic,” tungod kay giaprubahan na ug gipasa sa Senado ang mga Articles of Impeachment.
Gisalikway usab sa tribunal ang managlahing mga petisyon nga gisang-at ni abogado Israelito Torreon ug ni Duterte.
Gikatakda sa mga petisyoner nga ang komite sa hustisya sa Balay sa mga Representante milapas sa gahum nga gilatid sa konstitusyon pinaagi sa pagtampo og mga ebidensya ug pagpatawag sa mga saksi sa panahon sa unang pagrepaso sa mga proseso sa impeachment. Gikuwestyon usab nila ang mga nahgiban sa komite nga ang mga reklamo igo sa porma, substansiya, ug mga basihan.
Matud sa Korte Suprema nga ang mga aksyon nga gihangyo sa mga petisyoner nga ihunong kay nahuman na sa dihang gipasa ang Articles of Impeachment, ug dugang pa nila nga gisugdan na usab sa Senado ang mga proseso.
Gipahayag niini nga “any ruling on the validity of the actions taken by the House and its Committee on Justice would no longer affect the controversy.”
“While the SC recognized that it may, in exceptional cases, decide issues that have become moot, it found that none of the recognized exceptions applied in this case,” dugang pa niini.
Ang Senado, nga naglingkod isip korte sa impeachment, nagsugod sa pagdungog sa paghusay sa miaging bulan, diin nahuman na sa prosekusyon ang pagpresentar sa mga saksi alang sa Article IV (mga grabeng hulga).
Gikan sa Agosto 3 hangtod 5, nadungog sa korte sa impeachment ang mga testimonya gikan sa mga saksi sa prosekusyon mahitungod sa Article I nga nagpasangil sa pag-abuso sa mga confidential funds sa Office of the Vice President ug sa Department of Education sa panahon nga si Duterte ang kalihim niini.