ZAMBOANGA CITY: Nakatala ang lungsod og 12 ka namatay sa dengue gikan sa 1,241 ka mga kaso nga natala karong tuiga. Tungod niini, nanghangyo si City Mayor Khymer Adan Olaso sa city council nga magpadangat og dugang mga fogging machine alang sa mga barangay ug mas palig-onon pa ang kampanya batok sa maong sakit.
Gipagawas ni Olaso ang iyang hangyo ngadto sa lokal nga konseho atol sa ika-31 nga regular nga sesyon niini.
Karamihan sa 1,241 ka mga kaso natala sa mga Barangay sa Calarian, Santa Maria, Talon-Talon, Ayala, ug Putik, sumala sa gipahayag ni Dr. Dulce Miravite, ang ulohan sa City Health Office niadtong Miyerkules.
Giawhag usab ni Olaso ang mga barangay sa pagpahigayon og mas gipalig-on nga kampanya batok sa maong sakit nga gikan sa lamok human gideklarar sa lungsod ang dengue epidemic threshold.
Gipahimangnoan sa meya ang mga barangay sa pagpauswag sa kalimpyo sa palibot, mga cleanup drive, ug uban pang mga pamaagi sa paglikay sa sakit, samtang ang kagamhanan sa lungsod mohatag usab sa ilang bahin pinaagi sa pagpalit og dugang mga fogging machine.
Iyang giawhag usab ang mga opisyal sa barangay nga mogahin og pondo alang sa mga kagamitan sa pagkontrol sa dengue sa ilang mga supplemental budget aron mas mapalig-on ang paningkamot sa pagpugong ug pagtubag sa maong sitwasyon.
Samtang, gipahayag sa kanhi representante sa First District nga si Cesar Jimenez nga dili angay nga moadto si Olaso sa city council, tungod kay ang ehekutibo ug lehislatibong buhatan kinahanglang maglihok sa naglain nga pamaagi ug pabilin nga independente sa usa’t usa.