TOKYO: Nitala og upat ka tawo ang namatay samtang usa ang missing human gihapak sa rekord nga gidaghanon sa pag-ulan ang mga siyudad sa sidlakang bahin sa Tokyo. Ang maong pag-ulan nagpahinabo og grabeng pagbaha sa mga karsada, pagkalunod sa kapin dosena nga mga panimalay, ug pagkaputol sa linya sa kuryente.
Nakaapekto usab ang pag-ulan sa transportasyon diin liboan ka mga tawo ang na-stranded sa Soga train station ug sa Narita International Airport tungod sa pagkahunong sa biyahe sa mga tren sa kasagaran nga bahin sa Chiba prefecture. Bisan pa man sa maong kahimtang, nagpadayon ang normal nga operasyon sa mga lupad sa eroplano sa Narita, diin daghang mga biyahero ang nagapauli human sa kasaulogan sa Bon Buddhist holiday.
Nidala usab og mga bus ang Ground Self-Defense Force aron tabangan ug kuhaon ang gibantaang 4,000 ka mga tawo nga na-stranded sa estasyonan. Niingon ang Japan Meteorological Agency nga gihagpakan na nila ang ilang kinatas-ang warning alang sa bug-at nga pag-ulan samtang minos na ang ulan niadtong Biyernes sa buntag, apan nagpahimangno gihapon sila sa dugang nga pag-ulan sa ulahing bahin sa adlaw.