PASIG CITY: Nagpagawas og order alang sa preliminary injunction ang Pasig Regional Trial Court (RTC) batok sa pagpatuman sa ₱85 nga uswag sa minimum wage sa Metro Manila, subay sa probisyon sa pagsumite og ₱10 bilyon nga bond.
Sa gipagawas nga order ni Presiding Judge Marie Joyce P. Manongsong, gipahayag sa korte nga nakita niini nga mas maayo alang sa tanang stakeholders nga ipailalom una sa temporaryong paghunong o pause ang gipwestong wage order.
Nanggawas ang maong injunction sa mismong adlaw diin na-expire ang temporary restraining order (TRO) alang sa petisyon nga gipasaka sa Readycon Trading and Construction, Corp. ug R-II Builders, Inc. batok sa ₱85 wage hike nga giaprubahan sa wage board sa National Capital Region (NCR).
Ang preliminary injunction usa ka mando sa korte nga nagapahunong sa usa ka partido, ahensya, o indibidwal sa paghimo sa usa ka aksyon samtang wala pa nagapagawas og pinal nga desisyon ang korte bahin sa maong usapin.