𝗠𝗴𝗮 𝗰𝗹𝗮𝘀𝘀𝗿𝗼𝗼𝗺 𝗴𝗶𝗸𝗶𝗻𝗮𝗵𝗮𝗻𝗴𝗹𝗮𝗻 𝘀𝗮 𝗹𝘂𝗻𝗴𝘀𝗼𝗱 𝘀𝗮 𝗗𝗮𝘃𝗮𝗼 𝗢𝗰𝗰𝗶𝗱𝗲𝗻𝘁𝗮𝗹 𝗵𝘂𝗺𝗮𝗻 𝗻𝗮𝗱𝗮𝗼𝘁 𝘀𝗮 𝗺𝗴𝗮 𝗹𝗶𝗻𝗼𝗴 𝗮𝗻𝗴 𝗺𝗴𝗮 𝗲𝘀𝗸𝘂𝘆𝗹𝗮𝗵𝗮𝗻𝗮𝗻

DAVAO CITY: Nangita karon og posibleng alternatibong mga lokasyon ang Department of Education para sa mga grabeng nadaot nga eskuylahanan sa Jose Abad Santos (JAS), Davao Occidental nga naigo sa mga linog sukad niadtong Hunyo, tungod kay ang uban sa maong mga dapit gideklarar nga mga no-build zone.

Sa usa ka pakighinabi sa MindaNews pinaagi sa Messenger niadtong Miyerkules, gipahayag ni JAS Mayor Jason John Joyce nga mipasalig ang central office sa DepEd nga maghatag og mga learning continuity spaces, apan nangita pa gihapon sila og mga alternatibong dapit.

“Hinahanapan pa ng space kasi wala na area sa compound nila,” matud pa ni Joyce.

Gidugang pa niya nga labing minus tulo pa ka ubang mga eskuylahanan ang nakaangkon og grabeng kadaot gawas sa Kalbay National High School sa Barangay Kalbay.

Naglangkob kini sa Fontanares High School sa Barangay Sugal ug Guillermo High School sa Barangay Nuing.

Usa usab sa mga nadaot nga eskuylahanan mao ang Southern Philippines Agri-Business and Marine and Aquatic School of Technology-JAS extension nga nahimutang sa Barangay Caburan Big.

Ang pagbalik sa klase niadtong Lunes, sumala sa gipahibalo sa gobyerno sa probinsya sa Davao Occidental, nahimong mas komplikado niining semanaha tungod sa magnitude 6.4 nga linog nga maoy hinungdan sa pagkansela sa mga klase niadtong Miyerkules.

Ang Kalbay National High School (KNHS), kansang tanang mga istruktura nakaangkon og grabeng kadaot atol sa magnitude 7.8 nga linog niadtong Hunyo 8, nagpadayon sa pagkagun-ob sa matag human sa aftershock.