70-Anyos nga Babaye, Patay sa Saksak sa Iyang Live-in Partner sa Mawab, Davao de Oro

MAWAB, DAVAO DE ORO: Patay ang usa ka 70-anyos nga balo nga babaye human dunggaba sa iyang live-in partner sulod sa ilang panimalay sa Purok 8, Barangay Poblacion, Mawab, Davao de Oro, niadtong Sabado sa gabii, Setyembre 5, 2026.

Giila sa Mawab Municipal Police Station ug sa iyang pamilya ang biktima nga si Estrella Dionesio. Base sa imbestigasyon sa kapolisan, nahitabo ang insidente mga alas 8:00 sa gabii diin naglalis ang biktima ug ang iyang live-in partner nga si Virgilio Canja. Sa tunga-tunga sa ilang lalis, gikuha sa suspek ang usa ka kutsilyo ug gidunggab ang biktima og dili ubos sa pito ka beses sa nagkalain-laing bahin sa iyang lawas.

Dali pa nga gidala si Dionesio sa Davao de Oro Provincial Hospital sa Montevista apan gipahibalo nga dead on arrival. Ang suspek nga si Canja naangol usab ug kasamtangang gidala sa ospital ilalom sa pagmonitor ug pagbantay sa mga awtoridad.