Kingdome sa KOJC nga Adunay 75,000 Seats, Opisyal nga Nabuhaan Halos Duha ka Tuig Human sa Operasyon Batok Kang Quiboloy

DAVAO CITY: Opisyal nang giablihan niadtong Martes, Septyembre 1, 2026, ang nagsubli nga ₱13-bilyon nga Kingdome sa Kingdom of Jesus Christ (KOJC) nga nahimutang sa 23-ektaryang propedad sa Davao-Panacan Diversion Road, pikas lang sa Francisco Bangoy International Airport.

Ang maong pag-abli nitungod sa ika-41 nga “Feast of the Passover” o nga founding anniversary sa maong relihiyosong grupo. Milabot sa 14 ka tuig ang pagtukod sa maong 75,000-seater dome nga nahimong usab nga kabahin sa talan-awon sa mga biyahero nga nagagikan o nagaabot sa paliparan sa syudad.

Nahitabo ang maong grand launch halos duha ka tuig human sa 16 ka adlaw nga police siege sa KOJC compound niadtong Setyembre 2024 nga nagresulta sa pagdakop ug pagpakanaog kang Pastor Apollo Quiboloy, kinsang nag-atubang gihapon og mga kasong qualified human trafficking ug child abuse sa nasud ug nag-atubang usab sa extradition request gikan sa Estados Unidos.