Rido ug Armed Dispute sa Shariff Saydona Mustapha, Nahunong Na Pinaagi sa Dialogue ug Ceasefire Agreement

MAGUINDANAO DEL SUR: Nagmalampuson ang usa ka peace intervention nga gipahigayon sa Barangay Linantangan, Shariff Saydona Mustapha, Maguindanao del Sur, human pormal nga nagpirmahay og ceasefire agreement ang duha ka nag-away nga grupo sa Moro Islamic Liberation Front (MILF) niadtong Agosto 30, 2026.

Pinaagi sa panagtambayayong sa 34th Infantry Battalion, 38th Infantry Battalion, Philippine National Police (PNP), MILF-CCCH, ug PSRO-BARMM, gipalingkod sa usa ka negotiating table ang mga lider gikan sa 128th Base Command ug 118th Base Command sa MILF aron dunggon ang ilang mga reklamo ug mapakgang ang padayon nga giyera sa dapit.

Aron masiguro ang kalinaw, kabahin sa gipirmahang kasabutan ang obligasyon nga itugyan sa mga awtoridad ang mga armas nga gigamit sa kagubot kung aduna man gihapoy mulingkawas o musulod nga bag-ong away.