Top 8 Regional Drug Target sa Bukidnon, Nadakpan sa Pangantucan; ₱411,400 nga Balor sa Shabu, Nabawi sa Kapolisan

PANGANTUCAN, BUKIDNON: Nadakpan sa mga awtoridad ang usa ka 43-anyos nga lalaki nga nalista isip Top 8 Regional High-Value Individual (HVI) ug drug target atol sa gipahigayon nga hiniusa nga anti-illegal drug operation sa Barangay Poblacion, Pangantucan, Bukidnon.

Gipahigayon ang maong matagumpay nga buy-bust operation sa mga sakop sa Bukidnon Provincial Drug Enforcement Unit (PDEU), uban sa pakigtambayayong sa Pangantucan Municipal Police Station ug sa Philippine Drug Enforcement Agency (PDEA) Region 10.

Giila sa kapolisan ang nadakpan nga ang pangunang suspek sa maong lungsod nga dugay nang gina-monitor sa mga awtoridad tungod sa gipahigayon niining lapad nga pag-apod-apod ug pagbaligya og iligal nga droga sa rehiyon.