Visayas Grid, giyuhian na usab og Red Alert tungod sa kakulang sa supply sa kuryente

MANILA: Nagpagawas na usab og Red Alert advisory ang National Grid Corporation of the Philippines (NGCP) alang sa Visayas Grid karong Lunes, Agosto 24, 2026, tungod sa padayong kakulang sa nga reserba ug supply sa kuryente sa maong lugar.

Sumala sa gipagawas nga pahibalo sa NGCP, ang Red Alert gipatuman gikan sa alas-5 sa hapon hangtod alas-8 sa gabii. Sa dili pa kini, gipahiluna usab ang Yellow Alert gikan sa alas-2 sa hapon hangtod alas-5 sa hapon, ug mosunod pag-usab gikan sa alas-8 hangtod alas-9 sa gabii.

Base sa datos sa NGCP sa alas-8 sa buntag, moabot ra sa 2,312 megawatts (MW) ang magagamit nga kapasidad o available capacity, samtang ang gipanglantawan nga peak demand moabot sa 2,395 MW.

Gipatin-aw sa grid operator nga ang Red Alert nagpasabot nga ang supply sa kuryente dili na makatubag sa gikinahanglan nga demand sa mga konsumidor, nga posiblesng magdala og mga rotational brownout. Nagagikan ang maong krisis sa pagkapalong sa pipila ka coal-fired power plants ug ang limitadong pagbalhin o pag-import og kuryente gikan sa Mindanao Grid.