Warrant of Arrest Batok kang VP Sara Duterte, Gi-issue sa Quezon City Court

Edit

DAVAO CITY: Gipagawasan og warrant of arrest sa Quezon City Regional Trial Court Branch 98 si Vice President Sara Duterte may kalabutan sa tulo ka counts sa kasong grave threats nga gipasaka batok kaniya sa Department of Justice.

Girekomendar sa prosecutors ang piyansa nga P120,000 sa matag count alang sa maong kaso. Nagsumikad ang mga pasangil sa nahimong pahayag sa Bise Presidente nga naghisgot sa pagpapatay batok kang Presidente Ferdinand Marcos Jr., First Lady Liza Araneta-Marcos, ug kanhi Speaker Martin Romualdez kon adunay mahitabo kaniya.

Nipasalig ang abogado ni VP Sara nga si Atty. Paul Lawrence Lim nga wala silay intensyon nga molikay sa balaod ug padayon nilang gamiton ang tanang legal nga remedies. Giordinahan man usab sa Malacañang nga ilang ginarespeto ang nahimong desisyon sa korte.